ప్రభాతదర్శిని, (ఓజిలి-ప్రతినిధి): ఎన్నికల వేళ ఓజిలి వైఎస్ఆర్ కాంగ్రెస్ పార్టీకి షాక్ తగిలింది. వైఎస్ఆర్ కాంగ్రెస్ పార్టీకి చెందిన పున్నేపల్లి ఎంపీటీసీ కల్లూరు విజయమ్మ టిడిపిలో చేరిపోయారు. సోమవారం సూళ్లూరుపేట టిడిపి ఇన్చార్జ్ సమక్షంలో ఓజిలి జిల్లా మండలం టిడిపి అధ్యక్షుడు విజయ్ కుమార్ నాయుడు ఆధ్వర్యంలో టిడిపి లో చేరారు. ఈ సందర్భంగా విజయమ్మ మీడియాతో మాట్లాడుతూ రాష్ట్ర అభివృద్ధి చెందాలంటే చంద్రబాబు నాయుడు నాయకత్వం అవసరమని భావించి తాము టిడిపిలో చేరామని తెలిపారు. రానున్న ఎన్నికలలో సూళ్లూరుపేట ఉమ్మడి అభ్యర్థి డాక్టర్ నెలవల విజయశ్రీ గెలుపుకు కృషి చేస్తామని ఈ సందర్భంగా ఆమె తెలిపారు. ఎంపీటీసీ వెంట ఆ పార్టీకి చెందిన పలువురు గ్రామ నాయకులు టిడిపిలో చేరారు. ఎంపిటిసి టిడిపిలో చేరే విషయంలో విజయ్ కుమార్ నాయుడు వ్యూహాత్మకంగా వ్యవహరించినట్లు తెలుస్తోంది. వీరి చేరికపై టిడిపి మండల సీనియర్ నాయకులు ప్రకాష్ నాయుడు, దువ్వూరు శ్రీనివాసులురెడ్డి హార్షం వ్యక్తం చేస్తూ ఎన్నికల సమయంలో చంద్రబాబు నాయుడు విధాల పట్ల ఆకర్షితులై పార్టీలో చేరడం అభినందనీయమని వారు మీడియాతో చేశారు. టిడిపి వైసిపి మండల నాయకులు ఇద్దరూ ఒకే పంచాయతీ కి సంబంధించిన వారికి కావడంతో ఇక్కడ రాజకీయాలు రసవంతంగా మారాయి
నన్నూరు శ్రీనివాసరావు పత్రిక రంగంలో 30 ఏళ్ల అనుభవం ఉన్న అనుభవజ్ఞుడైన పాత్రికేయుడు. ఆంధ్రప్రదేశ్లోని ఉమ్మడి నెల్లూరు జిల్లా కి చెందిన శ్రీనివాసరావు, తన ప్రాతికేయ వృత్తిని గ్రామీణ ప్రాంతము నుండి నెల్లూరు తిరుపతి జిల్లాలలో మొదలైంది. వామపక్ష పాత్రికేయ దిగ్గజాలైన మోటూరు హనుమంతరావు సంపాదకీయంలో వెలువడిన 'ప్రజాశక్తి' దినపత్రికలో ఓనమాలు నేర్చుకొని, మరో వామపక్ష పాత్రికేయ దిగ్గజం ఈడుపుగంటి నాగేశ్వరరావు సంపాదకీయంలో వెలువడిన 'విశాలాంధ్ర' తెలుగు దినపత్రికలో పత్రిక రంగంలో తుది మెరుగులు దిద్దుకున్నారు. 14 సంవత్సరాల పాత్రికేయ వృత్తిలో సంపాదించుకున్న అనుభవాన్ని 'ప్రభాతదర్శిని' తెలుగు దినపత్రిక ద్వారా సంపాదకులుగా మారారు. వామపక్ష భావజాలంతో సామాజిక, రాజకీయ, ఆర్థిక అంశాలపై లోతైన వార్త కథనాల విశ్లేషణలు అందించడానికి ఈ వృత్తిని సమాజానికి అంకితం చేశారు. పత్రిక రంగంలో గ్రామీణ, పట్టణ, జిల్లా క్రైమ్ రిపోర్టర్ గా, సబ్ ఎడిటర్, డెస్క్ ఇంచార్జిగా పేజీ మేకింగ్ హోదాలో డెస్క్ లో విస్తృతమైన అనుభవంను సముపార్జన చేసి జర్నలిజంపై మక్కువతో "తప్పుడు వార్త కథనాలను ప్రచురించడం కూడా పత్రిక స్వేచ్ఛ కాలరాయడమే" అనే సిద్ధాంతంతో నిబద్ధత, నైతిక విలువలు, సామాజిక స్పృహతో కూడిన వార్త కథనాలతో ప్రజలకు అందించేందుకు ముందుకు సాగుతున్నారు. గణనీయమైన శిష్యుల బృందం కలిగిన నన్నూరు శ్రీనివాసరావు తన శిష్యులను కూడా జర్నలిజంలో తన స్థాయికి ఎదిగేందుకు కృషి చేస్తు బహుముఖ ప్రజ్ఞాశాలిగా సమాజంలో స్థానాన్ని సంపాదించుకున్నారు.
నాయుడుపేటలో 32 మంది అభ్యర్థులూ మనవారే… పరిచయ వేదికలో తంబిరెడ్డి మోహన్ రెడ్డి
కౌన్సిలర్ల పరిచయ వేదికలో తంబిరెడ్డి మోహన్ రెడ్డిప్రభాతదర్శిని, నాయుడుపేట-ప్రతినిధి: సూళ్లూరుపేట మాజీ ఎమ్మెల్యే కిలివేటి సంజీవయ్య అధ్యక్షతన జరిగిన కౌన్సిలర్ల పరిచయ చర్చావేదికలో మోహన్ రెడ్డి మాట్లాడుతూ నాయుడుపేట మున్సిపాలిటీలో గెలిచినవారు, ఓడినవారు అనే తేడా లేదని, 32 మంది అభ్యర్థులూ మనవారేనని అన్నారు. నాయుడుపేటలోని మాజీ ఎమ్మెల్యే కిలివేటి సంజీవయ్య క్యాంప్ కార్యాలయంలో నాయుడుపేట మున్సిపల్ ఎన్నికల్లో పోటీ చేసిన అభ్యర్థులందరినీ ఒకే వేదికపై సత్కరించి…
భద్రతా వైఫల్యమే శ్రీకాళహస్తి ఆలయంలో అగ్ని ప్రమాదం:అధికారుల నిర్లక్ష్యంపై మంత్రి ఆనం ఆగ్రహం
ప్రభాతదర్శిని, శ్రీకాళహస్తి-ప్రతినిధి: శ్రీకాళహస్తిలోని శ్రీ జ్ఞానప్రసూనాంబ సమేత శ్రీకాళహస్తీశ్వర స్వామి ఆలయంలో అదనపు లడ్డూ పోటులో జరిగిన అగ్ని ప్రమాద ఘటనపై రాష్ట్ర దేవాదాయ శాఖ మంత్రి ఆనం రామనారాయణరెడ్డి ఆగ్రహం వ్యక్తం చేశారు. ఆలయాల్లో భక్తుల భద్రత విషయంలో నిర్లక్ష్యం ఎంతమాత్రం సహించేది లేదని హెచ్చరించారు. శుక్రవారం మంత్రి ఆనం శ్రీకాళహస్తి ఆలయాన్ని సందర్శించి స్వామివారిని దర్శించుకున్నారు. దేవస్థానం అధికారులు, అర్చకులు, సిబ్బంది ఆయనకు ఘనస్వాగతం…