తిరుపతి ఆర్ఎస్ఎస్ ఏడీజే కోర్టు న్యాయమూర్తి తీర్పు
ప్రభాతదర్శిని,(తిరుపతి-ప్రతినిధి): ఎర్రచందనం అక్రమ రవాణా కేసులో ఇద్దరు స్మగ్లర్లకు ఐదేళ్ల చొప్పున జైలు శిక్ష తలా రూ.6 లక్షల జిరిమానా విధిస్తూ ఎర్రచందనం ప్రత్యేక కోర్టు శుక్రవారం తీర్పువెల్లడించింది. ఎర్రచందనం అక్రమ రవాణాను అరికట్టడంలో భాగంగా ఆర్ఎస్ఎఎస్టీఎఫ్ చీఫ్ ఎల్. సుబ్బారాయుడు రూపొందించిన ప్రత్యేక కార్యాచరణను అమలులో భాగంగా టాస్క్ ఫోర్సు ఎస్పీ శ్రీ పీ.శ్రీనివాస్ పర్యవేక్షణలో గతంలో నమోదై విచారణలో ఉన్న కేసులకు సంబంధించిన సాక్ష్యాధారాలను పగడ్బందీగా నిరూపించి ముద్దాయిలకు శిక్ష పడేలా ప్రణాళికలు రూపొందించారు. అందులో భాగంగా క్రైమ్ నెంబరు 06-2020లో కరకంబాడి బీటు, తిరుపతి రేంజి పరిధిలో పట్టుబడ్డ ప్రకాశం జిల్లాకు చెందిన చెరబోయిన వెంకటరమణ, పింజరి మహబూబ్ బాషా ఇద్దరు ముద్దాయిలు చేసిన నేరం రుజువయ్యింది. దీంతో తిరుపతి ఆర్ఎస్ఎస్ ఏడీజే కోర్టు న్యాయమూర్తి నరసింహ మూర్తి ఒకొక్కరికి ఐదేళ్ల జైలు శిక్ష, రూ. 6లక్షల జరిమానా విధిస్తూ తీర్పు నిచ్చారు. తదుపరి కోర్టు ఆదేశాల మేరకు వారిని నెల్లూరు సెంట్రల్ జైలుకు తరలించారు. ముద్దాయిలకు శిక్ష పడేలా కృషి చేసిన సిబ్బందిని టాస్క్ ఫోర్సు ఉన్నతాధికారులు అభినందించారు. శేషాచలం రిజర్వు ఫారెస్టులో అత్యంత విలువైన సహజ సంపద ఎర్ర చందనం చెట్లను నరికి అక్రమ రవాణా చేసే నేరస్తులకు ఈ తీర్పు ఒక హెచ్చరికగా పని చేస్తుందని టాస్క్ ఫోర్సు ఉన్నతాధికారులు పేర్కొన్నారు.
ఇద్దరు ఎర్రచందనం స్మగ్లర్లకు ఐదేళ్లు జైలు శిక్ష…ఒకొక్కరికి రూ. 6లక్షల జరిమానా
Related Posts
బిల్కిస్ బానో కేసులో ఇద్దరు దోషులకు సుప్రీంకోర్టు బెయిల్ – దేశవ్యాప్తంగా చర్చ
న్యూఢిల్లీ, (ప్రభాతదర్శిని ప్రతినిధి): బిల్కిస్ బానో గ్యాంగ్ రేప్ కేసులో సుప్రీంకోర్టు సోమవారం ఇద్దరు దోషుల జీవిత ఖైదు శిక్షను సస్పెండ్ చేసి బెయిల్ మంజూరు చేసింది. వారు 17 సంవత్సరాలకు పైగా జైలులో ఉన్నారని, అందులో ఒకరికి తీవ్రమైన వైకల్యం ఉందని ధర్మాసనం పేర్కొంది. 2002 గుజరాత్ అల్లర్ల సమయంలో జరిగిన ఈ కేసు దేశవ్యాప్తంగా సంచలనం సృష్టించింది. అప్పట్లో గర్భవతిగా ఉన్న బిల్కిస్ బానోపై…
Read moreభద్రతా వైఫల్యమే శ్రీకాళహస్తి ఆలయంలో అగ్ని ప్రమాదం:అధికారుల నిర్లక్ష్యంపై మంత్రి ఆనం ఆగ్రహం
ప్రభాతదర్శిని, శ్రీకాళహస్తి-ప్రతినిధి: శ్రీకాళహస్తిలోని శ్రీ జ్ఞానప్రసూనాంబ సమేత శ్రీకాళహస్తీశ్వర స్వామి ఆలయంలో అదనపు లడ్డూ పోటులో జరిగిన అగ్ని ప్రమాద ఘటనపై రాష్ట్ర దేవాదాయ శాఖ మంత్రి ఆనం రామనారాయణరెడ్డి ఆగ్రహం వ్యక్తం చేశారు. ఆలయాల్లో భక్తుల భద్రత విషయంలో నిర్లక్ష్యం ఎంతమాత్రం సహించేది లేదని హెచ్చరించారు. శుక్రవారం మంత్రి ఆనం శ్రీకాళహస్తి ఆలయాన్ని సందర్శించి స్వామివారిని దర్శించుకున్నారు. దేవస్థానం అధికారులు, అర్చకులు, సిబ్బంది ఆయనకు ఘనస్వాగతం…
Read more