ప్రభాతదర్శిని (నాయుడుపేట- ప్రతినిధి): దేశ చరిత్రలో పెన్షన్ల నగదను ముందుగా లబ్ధిదారులకు ఇచ్చిన ఘనత ముఖ్యమంత్రి చంద్రబాబునాయుడుదేనని సూళ్లూరుపేట శాసనసభ్యురాలు డాక్టర్ నెలవల విజయ శ్రీ కొనియాడారు. శనివారం నాయుడుపేట పట్టణంలోని అగ్రహార పేట, అమర గార్డెన్స్ మసీదు వీధిలో జరిగిన ఎన్టీఆర్ భరోసా సామాజిక పెన్షన్ పంపిణీ కార్యక్రమంలో సూళ్లూరుపేట శాసన సభ్యురాలు డాక్టర్ నెలవల విజయశ్రీ పాల్గొన్నారు. ఈ సందర్భంగా ఆమె మాట్లాడుతూ సెప్టెంబరు1వ తేదీ ఆదివారం కావడంతో ఆగస్టు 31వ తేదీనే లబ్ధిదారులకు ఇబ్బందు లేకుండా ముందస్తుగా పింఛన్ల అందజేస్తున్నట్లు తెలిపారు. చరిత్రలో ఎప్పుడు ముందస్తుగా పెన్షన్ల పంపిణీ జరగలేదని ఈ ఘనత చంద్రబాబు నాయుడు ప్రభుత్వం కే సాధ్యమైందని తెలియజేశారు. సూళ్లూరుపేట నియోజకవర్గంలో మొత్తం 39,332 పెన్షన్ల లబ్ధిదారులు ఉన్నారని, వారికి ప్రతినెల 16 కోట్ల 85 లక్షలు 79 వేలు ప్రభుత్వం అందచేస్తుందని చెప్పారు. చంద్రబాబు నాయుడు పేదల కోసం 5/- కే అన్నా కాంటీన్ల ద్వారా పేదల ఆకలి తీరుస్తున్నారని తెలియచేసారు. ముఖ్యమంత్రి ఎన్నికల ప్రచారంలో ఇచ్చిన హామీ మేరకు 20 లక్షల ఉద్యోగాలలో భాగంగా నిరుద్యోగ యువతకు మెగా డీఎస్సీ పై మొదటి సంతకం చేసారు. అంతే కాకుండ సూళ్లూరుపేట నియోజకవర్గం నుంచి పొలాలకు వెళ్లే దారులుకు, స్మశాన వాటికల దారులకు 140కోట్ల రూపాయలతో ప్రతిపాదనలు పంపినట్టు తెలియజేశారు. ఈ ప్రతిపాదనలు మంజూరు అయిన వెంటనే ప్రతి గ్రామ నందు పొలాలకు,స్మశాన వాటికకు వెళ్లే గ్రావెల్ రోడ్డులను నిర్మిస్తాము అని తెలియచేసారు.ఈ కార్యక్రమంలో మాజీ ఎంపీ సూళ్లూరుపేట నియోజకవర్గ ఇంచార్జ్ నెలవల సుబ్రహ్మణ్యం, నాయుడుపేట మాజీ ఏఎంసి చైర్మన్ శిరసనంబేటి విజయభాస్కర్ రెడ్డి, నాయుడుపేట మున్సిపల్ వైస్ చెర్మన్ 786 రఫీ , యువనాయకులు నెలవల రాజేష్, మాజీ నాయుడుపేట మున్సిపల్ చైర్మన్ మైలారి శోభరాణి, మైలారి రాజశేఖర్, మండల టిడిపి నాయకులు, అధికారులు, టిడిపి కార్యకర్తలు పాల్గొన్నారు.